Yəməndə Husi üsyançıları ilə toqquşmadan sonra Səudiyyə Ərəbistanının silahlı qüvvələri və hava hücumundan müdafiə sistemləri yüksək döyüş hazırlığı vəziyyətinə gətirilib.

Bu barədə Bloomberg məlumat yayıb.

Agentliyin məlumatına görə, müvafiq əmr üsyançıların Səudiyyə Ərəbistanına raket zərbəsi endirmək cəhdindən sonra verilib. Raket hava hücumundan müdafiə sistemləri tərəfindən zərərsizləşdirilib. Yüksək hazırlığın digər səbəbi Yəmənlə sərhəddəki Cizan əyalətində üsyançılarla toqquşmalar nəticəsində 4 Səudiyyə əsgərinin həlak olmasıdır.