Ermənistan tərəfindən basdırılan minalar azərbaycanlıları öldürməkdə və şikəst etməkdə davam edir.

Bu barədə Azərbaycan Xarici İşlər Nazirliyi "X" sosial şəbəkəsində yazıb.

"Tərtərdə minanın partlaması nəticəsində 24 yaşlı mülki vətəndaşın ayağı amputasiya edilib. Münaqişə bitəndən indiyədək 336 azərbaycanlı mina qurban olub. Bu təhlükəni aradan qaldırmaq üçün təcili tədbirlər görülməlidir", - deyə paylaşımda bildirilib.