Şrift:
İtaliya A Seriyası: “İnter” liderliyini qoruyub, “Milan” növbəti dəfə xal itirib
06.11.2023 [11:19] - Gündəm, İdman
Noyabrın 4-də futbol üzrə İtaliya A Seriyasında 11-ci turun növbəti oyunları keçirilib.

Turnir cədvəlinin lideri “İnter” səfərdə “Atalanta”ya 2:1 hesabı ilə qalib gəlib. “Neradzurri”nin qollarına penaltidən Hakan Çalhanoğlu və Lautaro Martinez imza atıblar. Meydan sahiblərinin yeganə qolunu isə Skamakka vurub.

Bu tur “Milan” öz meydanında “Udineze”yə uduzub – 0:1.

Son çempion “Napoli” isə səfərdə “Salernitana”dan üstün olub – 0:2.

Beləliklə, 11 turdan sonra “İnter” klubu turnir cədvəlində liderliyini qoruyub. Komandanın hesabında 28 xal var. İkinci pillədə qərarlaşan “Yuventus” 23 xal toplayıb. Qeyd edək ki, “Qoca sinyora” rəqibindən bir oyun az keçirib.

Üçüncü pillədə yer alan “Milan”ın xalı isə 22-dir.
Bu xəbər oxucular tərəfindən 1056 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed