Son 5 ildə Azərbaycanda ünvanlı sosial yardımın aylıq məbləği 3 dəfə artıb.

Bunu əmək və əhalinin sosial müdafiəsi naziri Sahil Babayev sahibkarlara "Dayaq" mükafatının təqdim olunması mərasimində deyib.

"Bu dövrdə Azərbaycanda minimum pensiyalar 2,5 dəfə, sosial müavinətlər və pensiyalar 5 dəfə, ünvanlı sosial yardımın aylıq məbləği isə 3 dəfə artıb. Bu tədbirlər genişmiqyaslı və əhatəlidir. Ümumilikdə sosial islahatlar 4 milyondan çox Azərbaycan vətəndaşını əhatə edir. İllik məbləğ 7 milyard manatdır. Bu rəqəm Azərbaycanın sosial siyasətinin ən parlaq göstəricisidir", - o deyib.