Ermənistanın baş naziri Nikol Paşinyan bildirib ki, Rusiya Federasiyası müdafiə və hərbi-texniki sahədə respublikanın əsas tərəfdaşı ola bilməməsinin bir sıra səbəbləri var.

O, bu barədə ölkənin İctimai Radiosuna müsahibəsində bildirib.

"Biz başa düşməliyik ki, kiminlə hərbi və hərbi-texniki əməkdaşlığı inkişaf etdirməliyik. Əvvəllər konsepsiya ilə bağlı heç bir çətinlik olmadığı kimi, belə bir məsələ də yox idi. Əvvəllər Ermənistanın müdafiə sahəsindəki münasibətlərinin 97 %-i Rusiya ilə bağlı idi. İndi bu, obyektiv və subyektiv səbəblərdən ola bilməz”, - baş nazir bildirib.

Bundan əvvəl Paşinyan Rusiya hərbi bazalarının Ermənistan ərazisində olmasında heç bir üstünlük görmədiyini bildirib.

O, qeyd edib ki, İrəvan yeni tərəfdaşlar axtarır, çünki Moskva “müttəfiqlik öhdəliklərini yerinə yetirməyib”. Baş nazirin qeyd etdiyi kimi, Qarabağda baş verən hadisələr Ermənistanı müdafiə sahəsində yeni tərəfdaşlar axtarmağa vadar edib.