Şrift:
BMT-nin İnkişaf Proqramı Azərbaycan rəsmiləri ilə müzakirələr aparıb
28.02.2024 [10:23] - Siyasət
Birləşmiş Millətlər Təşkilatının İnkişaf Proqramı (BMTİP) Azərbaycan hökumətinin nümayəndələri ilə iqlim dəyişikliyi ilə bağlı fiskal risklərin dövlət və özəl investisiyalar üzrə qərarların qəbuluna təsirini müzakirə edib.

Bu barədə BMTİP-in Bakı ofisinə istinadən xəbər veririk.

"Milli adaptasiya planı" layihəsini hazırlayan BMTİP iqlim dəyişikliyinin investisiyaların planlaşdırılmasına fiskal təsirlərinin qiymətləndirilməsi üzrə texniki təlimat hazırlayıb və onları Bakıda planlaşdırılan bir sıra tədbirlər çərçivəsində keçirilən seminarda müzakirə edib", - BMTİP-nin məlumatında deyilir.

Müzakirələrdə BMTİP-in iqlim maliyyələşdirməsi üzrə eksperti Cennifer Jadin, Azərbaycanın iqlim maliyyələşdirməsi üzrə eksperti Rəşad Həsənov, ölkənin elmi dairələri və vətəndaş cəmiyyətinin nümayəndələri iştirak edib.

"İqlim maliyyələşdirməsi həm iqlim dəyişikliyi ilə əlaqədar nəticələrin yumşaldılması, həm də onlara adaptasiya üzrə səylər üçün mühüm əhəmiyyət kəsb edir. Hesab edirik ki, müxtəlif mənbələrdən irimiqyaslı investisiyalar istixana qazlarının tullantılarının əhəmiyyətli dərəcədə azalmasına təsir göstərə bilər", - məlumatda deyilir.
Bu xəbər oxucular tərəfindən 436 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed