Yeni bir araşdırma virusların heyvandan insanlara deyil, insanlardan heyvanlara keçdiyini ortaya çıxarıb.

London Universitet Kollecində aparılan araşdırmada tədqiqatçılar növlər arasında virusların sıçrayışını araşdırmaq üçün qlobal verilənlər bazasından istifadə ediblər. Araşdırmaya görə, viruslar daha çox insanlarda hərəkət edir və həmin viruslar heyvanlara ötürülür.

Tədqiqat qrupunun hesablama bioloqu Cedric Tan açıqlamasında bildirib ki, insanlar heyvanlara daha çox virus yayır. Nümunə olaraq, C.Tan COVID-19-un insanlara ötürüldükdən sonra daha sürətli yayıldığına diqqət çəkib. O, bunun səbəbini insanın çox olması ilə əlaqələndirib. Əslində isə bunu gözləmədiklərini, araşdırma nəticəsində belə bir vəziyyətin aşkarlandığını vurğulayıb: “Virusların insanlardan heyvanlara yayılması nəsli kəsilməkdə olan bir çox növ üçün təhlükə yaradır”.