“Real Madrid” futbol üzrə İspaniya çempionatının 32-ci turu çərçivəsində evdə “Barselona”nı 3:2 hesabı ilə məğlub edib.

Görüş Madriddəki "Santiaqo Bernabeu" stadionunda keçirilib.

"Real"ın heyətində qolları Vinisius (18-ci dəqiqə, penalti), Lukas Vaskes (73) və Jud Bellinqem (90+1) vurublar. "Barselona"ın heyətində Andreas Kristensen (6) və Fermin Lopez (69) fərqləniblər.

İspaniya çempionatının turnir cədvəlinə 81 xalla "Real" başçılıq edir. “Barselona” 70 xalla ikinci yerdədir.