Qərbin artıq Ukraynanı Rusiyanın hava hücumlarından qorumaq üçün effektiv modeli var.

Amerikanın Business Insider nəşri yazır ki, bu model apreldə İranın İsrailə hücumu zamanı aydın şəkildə nümayiş etdirilib.

NATO-nun keçmiş baş katibi Anders Foq Rasmussen bildirib ki, ən azı Ukraynanın qərb bölgələrini əhatə etmək üçün qonşu Polşa və Rumıniya kimi NATO ölkələrinin ərazisindən istifadə etmək olar. O, bu bölgələrdən mühafizəçi raketlərin buraxıla biləcəyinə inanır.

“Frankfurter Allgemeine Zeitung” qəzetinin yazdığına görə, Almaniyada həm iqtidar, həm də müxalifət partiyaları Ukraynanın NATO ilə həmsərhəd bölgələrinin müdafiəsi ideyasına dəstək ifadə edirlər. Məsələn, müxalif Xristian Demokratik İttifaqının siyasətçisi və Bundesverin keçmiş baş qərargah zabiti Roderich Kiesewetter Ukraynanın müdafiəsini Qərbin aprel ayında İranın atdığı 300 raket və pilotsuz təyyarənin İsrailə hücumunun qarşısını almaq səyləri ilə müqayisə edib.