Fərəc Quliyev: “Kırımda baş verənlər işğaldır”
 Fərəc Quliyev: “Kırımda baş verənlər işğaldır”
Bu gün Milli Məclisin iclasında millət vəkili, Milli Dirçəliş Hərəkatı Partiyasının sədri Fərəc Quliyev Ukraynaya və Rusiyaya Parlament quruplarının ezam olunmasını təklif edib. Ukraynanın Azərbaycana qarşı müttəfiqlik mövqeyini diqqətə gətirən millət vəkili Krımda baş verənləri işğal adlandırıb. O, Azərbaycanın da Rusiyanın süni şəkildə yaratdığı münaqişələrə cəlb olunan bir dövlət olaraq bu prosesdən kənarda qalmamsı və öz barışdırıcı mövqeyini ortaya qoymasını təklif edib. Fərəc Quliyevin təklifi ondan ibarət olub ki, Azərbaycan-Ukrayna Parlamentlərarası dostluq qrupunun üzvləri ilə Azərbaycan-Rusiya Parlamentlərarası dostluq qrupunun üzvlərinin birgə iclası keçirilsin və eyni qurupun üzvləri anoloji olaraq bu ölkələrə Milli Məclis tərəfindən ezam olunsun. Partiya sədrinin fikrincə, bu gün Azərbaycanın seyrici mövqedə qalması, gələcəkdə Qarabağ məsələsinin müzakirəsi zamanı beynəlxalq instansiyalar və Ukrayna tərəfindən soyuq münasibətlə qarşılaşmasına səbəb ola bilər.
İkinci çıxışında isə Fərəc Quliyev sosial təkliflərlə çıxış edib. O, inasan haqları ilə bağlı Ombusmanın Parlamentə təklifinin müzakirəsi zamanı bildirib ki, insan haqlarının önündə yaşam haqqı nəzərdə tutulmalıdır və bununla bağlı da 3 təklif səsləndirib. Millət vəkili bildirib ki, bu gün ölkəmizdə istehlak səbətinin qiyməti ilə maaşların, təqaüdlərin, minimum əmək haqlarının, ehtiyac meyarının səviyyələri eyni deyil, bunun bərabərləşdirilməsi təklif edilməlidir.
MDHP sədrinin növbəti təklifi ondan ibarət olub ki, zabitlərin evlərində müvəqqəti məskunlaşmış qaçqınların köçürülməsi işi sürətləndirilsin. Çünki, bu problemlə bağlı müraciət edən zabitlərin sayı çoxdur və onların mənzil problemləri həll edilməlidir.
Millət vəkili küçələrdən dilənçilərin yığışdırılması ilə də bağlı təklif verib və bununla bağlı mümkün variantlar da təqdim edib.
Fərəc Quliyevin hər iki çıxışın tam mətnini və audio yazısını təqdim edirik:

MİLLƏT VƏKİLİ FƏRƏC QULİYEVİN BİRİNCİ ÇIXIŞI:


MİLLƏT VƏKİLİ FƏRƏC QULİYEVİN İKİNCİ ÇIXIŞI:
MDHP sədri Mİllət Vəkili Fərəc Quliyev Almaniyada yaşayan dünya şöhrətli rəssam Əşrəf Heybətovu qəbul etdi
 MDHP sədri Mİllət Vəkili Fərəc Quliyev Almaniyada yaşayan dünya şöhrətli rəssam Əşrəf Heybətovu qəbul etdi
Bu gün 13 fevral 2014-cü il tarixində MDHP sədri, Millət vəkili Fərəc Quluyev Almaniyada yaşayan, dünya şöhrətli, tanınmış Azərbaycan Respublikasının əməkdar rəssamı Əşrəf Heybətovu qəbul etdi. Əşrəf Heybətov YUNESKO ressamlar federasiyasının üzvü, Avropada Azərbaycan Mədəniyyət xadimləri Assosiasiyasının sədridir. Xaricdə Azərbaycanı layiqincə təmsil edən ziyalımız Almaniya ressamlar birliyinin, Qərbi Avropa Elm və Mədəniyyət Akademiyasının üzvü, eyni zamanda “Sülh səfiri”dir. Fərəc bəy görüş zamanı xalqımızın, dövlətimizin beynəlxalq aləmə təqdim olunmasında rəssamlığın özünəməxsus rolunu və Əşrəf bəyin əsərlərində vətənimizin, xalqımızın ictimai-siyasi həyatına aid lövhələrinin əhəmiyyətini qeyd etdi. Görüşdəki müzakirələrdən məmnun qalan Əşrəf bəy öz yaradıcılığında Azərbaycan dəyərlərini daha geniş şəkildə dünyaya təqdim edəcəyini bildirdi.
“Suriyaya gedən şəxsləri terrorçu adlandırıb damğalamağın əleyhinəyəm”
 “Suriyaya gedən şəxsləri terrorçu adlandırıb damğalamağın əleyhinəyəm”
Millət vəkilinin fikrincə, hazırda xaricdə olan vətəndaşlarımız bizim “kisə”mizdən gediblər: “O şəxslərin mütləq həbs olunmasının, vətəndaşlıqdan çıxarılmasının əleyhinəyəm. Onların amnistiyaya salınmasına və geri qayıtmaları üçün şərait yaradılmasına tərəfdaram. Qoy vətənlərinə gəlsinlər və yanlış yoldan geri dönsünlər. Onlara başa salmaq lazımdır ki, savaşmaq istəyirsənsə, günün birində Qarabağda vuruşa bilərsən. Ona görə də profilaktik tədbirlər geniş miqyas almalıdır. Təbliğat işləri dayandırılmamalıdır. Geri qayıdan şəxslərdən kimsə qərəzli şəkildə yenə ora yollanarsa, belə adamlara hər hansı cəza tətbiq oluna bilər. Bu zaman onlara qanun qarşısında cavab verəcəklərini əvvəldən bildirmək lazımdır”.
Millət vəkili: “İndi əsl müharibə ilə qarşılaşırıq” MÜSAHİBƏ
 Millət vəkili: “İndi əsl müharibə ilə qarşılaşırıq” MÜSAHİBƏ
Milli Məclisin Təhlükəsizlik və Müdafiə Komitəsinin üzvü Fərəc Quliyev son günlər cəbhədə baş verən hadisələrlə bağlı Hafta.az-a müsahibə verib.
F.Quliyev Azərbaycanın tədbirləri daha da gücləndirməli olduğunu və hərbi yolla davam etməyin düzgün olduğunu deyib.

- Cəbhədəki hazırkı vəziyyəti necə qiymətləndirirsiniz?

- Müharibə gedir və hələ də bitməyib. İndi əsl müharibə ilə qarşılaşırıq. Atəşkəs deyilən rejim simvolik bir şey idi. Onsuz da ermənilər hər gün atəşkəsi pozurdular. Hər gün atışmalar olur, hər gün şəhid veririk. Təbii ki, düşmənin atdığı addımlara adekvat olaraq Azərbaycan Müdafiə Nazirliyinin cavabları normal qarşılanmalıdı. Mən hesab etmirəm ki, danışıqlarla nəyisə həll etmək mümkündü. Ermənilər əvvəldən təcavüzü planlaşdıran dövlətdi. Onların məqsədi Azərbaycanda daxil olmaqla, türk dövlətlərinin ərazisində Böyük Ermənistan qurmaqdı. Məncə, əvvəl-axır hərbi yola əl atmaq lazımdı. Beynəlxalq təşkilatlar bu məsələnin dinc yolla həll edilməsini istəyirlərsə, biz də onlara bunun üçün vaxt limiti qoymalıyıq. Buyurun, biz də məsələnin dinc yolla ədalətli həllində maraqlıyıq. Ermənilər Azərbaycan torpaqlarını tərk etsin, dövlət sərhədlərimiz BMT-nin tanıdığı formada təmin edilsin. Amma o vaxt limitində bunlar təmin edilməyəcəksə, müharibə qaçılmazdı. Ermənilər sülh danışıqlarını gündəmdə saxlaya-saxlaya atəşkəsi pozub Azərbaycan əsgərlərini öldürürsə, biz haqlı olaraq tədbirlər görürük. Mən hesab edirəm ki, bu tədbirlər daha da gücləndirilməlidi və ermənilər yerində oturmalıdırlar.
Fərəc Quliyevin tədbir görmək fikri yoxdur: “Yenə xalqın yanındayıq”
 Fərəc Quliyevin tədbir görmək fikri yoxdur: “Yenə xalqın yanındayıq”
Partiyanın sədri, millət vəkili Fərəc Quliyev Modern.az-a açıqlamasında bu cür hücumları təşkil edənlər haqqında ümumi danışdı.
“Uzun müddət saytımıza çox ciddi şəkildə kiber hücumlar oldu. Göründüyü qədər, bizim ideoloji xəttimizlə bağlı olaraq bütöv Azərbaycan üçün İran və ya Rusiyanın Azərbaycana adekvat münasibətindən doğur. Bu ölkələrin Azərbaycanda təşkilatlanma işləri görməsi və onların qarşısında durmağımıza görə bu cür cəhdlər olur. Üstəlik, son prezident seçkilərindən sonra milli demokratik düşərgə olduğumuz ortaya çıxdı ki, biz gerçəkdən millətə söykənən, millətin dərdi ilə dərdlənən və yaxud da millətlə problemi həll etmək istəyən təşkilatıq. Bu müddət ərzində özünü demokratik düşərgə adlandıranlarınsa başı Rusiyanın qoltuğundan çıxdığı açıq şəkildə göründü. İndi bu məsələlərlə bağlı hər kəs eyni zamanda, bu dəstədən olanlar bizə etiraz edirlər.
“Xaricdən idxal olunan layihələri xalq heç zaman dəstəkləmir”
 “Xaricdən idxal olunan layihələri xalq heç zaman dəstəkləmir”
Sözügedən məsələ ilə bağlı fikirlərini “Kaspi”yə bölüşən Milli Dirçəliş Hərəkatı partiyasının sədri, millət vəkili Fərəc Quliyev hələ Milli Şura yaradılarkən radikal müxalifətin bu birliyinin baş tutmayacağı barədə proqnozlar verdiyini xatırladıb. O, buna əsas kimi, sözügedən qurumun birmənalı şəkildə Moskvadan idarə olunun layihə olduğunu, oradakı təşkilatların da Rusiyanın maraqlarının təmin edilməsi üçün cəlb olunmasını göstərib: “Dağıstan prezidentinin “Milyarderlər İttifaqı”nda verdiyi bəyanatları, bu təsisatın bilavasitə Milli Şuraya dəstəyini xatırlamaq deyilənləri bir daha təsdiq edər. Elə Milli Şura rəhbərliyinin Dağlıq Qarabağ münaqişəsinin həlli ilə bağlı söylədiyi fikirlər də qurumun Kremlin maraqlarını güddüyünü sübutlayırdı. Milli Şuranın tam Rusiya layihəsi olduğunu ortaya qoyurdu. Bu barədə hələ o zaman danışarkən müxalifət təmsilçiləri bizi top-tüfənglə qarşılayırdılar. Amma indi Milli Şura rəhbərliyində təmsil olunan aparıcı şəxslər də dediklərimizi birə-bir təkrarlayırlar. Bu da o deməkdir ki, zamanında uzaqgörənlik etməyi bacarmışıq. Ona görə də Milli Şurada son vaxtlar baş verənlərlə dərindən maraqlanmıram. Çünki bu, artıq bitmiş məsələdir. Kənardan Azərbaycana idxal olunan layihələri xalq heç zaman dəstəkləmir.
Fərəc Quliyev mətbuat nümayəndələrini təbrik etdi
 Fərəc Quliyev mətbuat nümayəndələrini təbrik etdi
Fərəc Quliyev mətbuat nümayəndələrini təbrik etdi
Milli Dirçəliş Hərəkatı Partiyasının sədri, millət vəkili Fərəc Quliyev mətbuat nümayəndələrini Dünya Azərbaycanlılarının Həmrəylik Günü və Yeni il münasibəti ilə təbrik edib.


Partiyanın mətbuat xidmətdindən davam.az-a daxil olan təbrikdə deyilir:

Hörmətli mətbuat nümayəndələri!

Sizi 31 dekabr- Dünya Azərbaycanlılarının Həmrəyliyi Günü və Yeni təqvim ili münasibəti ilə təbrik edirəm. Evimiz-Bütöv Azərbaycanı səadət qovuşduraq ki, evimiz səadət içində olsun.

Fikirdə, sözdə və əmldə həmrəy olmaq arzusu ilə
Milli Dirçəliş Hərəkatı Partiyasının sədri, millət vəkili Fərəc Quliyev
« 1 ... 88 89 90 91 92 93 94 95 96 ... 103 »
Türk böyükləri
Portalımızda
Axtarış
Dost saytlar



Təqvim
«    Oktyabr 2024    »
BeÇaÇəCaCüŞəBa
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
Sorğu
Bu Mərkəzi İcra Hakimiyyəti Orqanlarından hansının fəaliyyətindən narazısınız?
Dövlət Gömrük Komitəsi
Əmək/Əhalinin Sosial Müdafiəsi Nazirliyi
Fövqəladə Hallar Nazirliyi
Dövlət Vergi Xidməti
Səhiyyə Nazirliyi
Elm vəTəhsilNazirliyi
Kənd Təsərrüfatı Nazirliyi
Daxili İşlər Nazirliyi
Rəqəmsal İnkişaf və Nəqliyyat Nazirliyi
Qida Təhlükəsizliyi Agentliyi
Mədəniyyət Nazirliyi
Ədliyyə Nazirliyi
Dini Qurumlarla İş üzrə Dövlət Komitəsi
Gənclər və İdman Nazirliyi