Fərəc Quliyev » Səhifə 97 » /🇦🇿davam.az -14 il- sizinlə /

SEPAH-ın sabiq komandanının Qarabağ açıqlamalarına faktlarla təkzib gəldi

Məsələyə münasibət bildirən millət vəkili Fərəc Quliyevin sözlərinə görə, o dövrdə İran Azərbaycana yox, Ermənistana kömək edirdi: "Müharibədə İran tərəfindən rəsmi şəkildə kömək göstərilibsə, bu, erməni tərəfinə ola bilər, Azərbaycan tərəfinə yox. Ancaq Güney Azərbaycandan bura gəlib ordu tərkibində yox, sadəcə, torpaqların qorunması uğrunda döyüşən soydaşlarımız olub. Məsələn, Əlirza Amanbəylinin adını çəkmək olar. O, Qarabağ müharibəsində ermənilərlə vuruşub. Belə adamlar onlarla olub. Ancaq İran rəsmiləri tərəfindən mövqe birmənalı Ermənistanın tərəfində olub. Biz Ordubadda Xatxat deyilən döyüş zamanı ermənilərin mövqelərini ələ keçirdik. Bu zaman dəhşətli bir mənzərənin şahidi olduq. Belə ki, orada İran istehsalı olan elektrik generatorları, silahlar, geyimlər, qida maddələri vardı. Bir növ bütün bunları ermənilərə hədiyyə etmişdilər. Deməyim odur ki, müharibədə heç vaxt İran tərəfi rəsmi olaraq Azərbaycanı dəstəkləməyib".

Fərəc Quliyevin 28 fevral 2013-də İTV-dəki ÇIXIŞI / VİDEO

28 fevral 2013-cü ildə İctimai televiziyada Milli Dirçəliş Hərəkatı Partiyasının sədri, Millət Vəkili Fərəc Quliyev 25 il əvvəl ermnilərin Sumqayıtda törətdikləri hadisələrdən danışdı.

MDHP sədri, Millət Vəkili Fərəc Quliyev Xocalı soyqırımını canlı yayında dəyərləndirir./SƏS YAZISI

Xocalı soyqırımı Dünyanın gözü qarşısında baş verməyinə baxmayaraq, görməməzlikdən gəlinir.
BMT-nin Qarabağla bağlı 4 qətnaməsi tamamilə dünyanın diqqətindən kənar qalıb.

İZLƏYİN ... !!!

Millət Vəkili Fərəc Quliyev Suraxanı rayonunda Xocalı tədbirlərinə qatılıb.- FOTO

Milli Dirçəliş Hərəkatı Partiyasının sədri, Millət Vəkili Fərəc Quliyev 26 fevral Xocalı Soyqırımı qurbanlarının anım mərasimi ilə bağlı Suraxanı rayonu ərazisində silsilə tədbirlərə qatılıb.

Suraxanı rayonu 318-ci saylı orta məktəbdə, Əlil Uşaqların Reabilitasiyası Mərkəzində keçirilən sərgidə, Xocalı qurbanları üçün verilən ehsan süfrəsində iştirak edən Fərəc Quliyev 1992-ci il Xocalıda baş verən soyqırımın dünya miqyasında eynisinə rast gəlinmədiyini bildirib. Azərbaycan həqiqətlərinin dünyaya çatdırılmasında hər bir vətəndaşın üzərinə böyük məsuliyyət düşdüyünü diqqətə çatdırıb.

Fərəc Quliyev: “Ermənistan təyyarəsi yox, aeroportun özü bombardımana məruz qalmalıdır.”

Bu və bənzər sualları cavablandıran Milli Dirçəliş Hərəkatı Partiyasının lideri, millət vəkili Fərəc Quliyev partiyanın mətbuat xidmətinə verdiyi açıqlamasında Xocalı aeropotunun istifadəyə açmasını real saymır və bunu Ermənistan Prezidentinin seçkiqabağı təbliğat üçün dilə gətirdiyinə inanır. Millət vəkilinin fikrincə, öz xalqını yalanla aldatmağa öyrəşən Serj Sarkisyanın verdiyi bəyanatda vəd edilən tarixin seçkidən sonraya təsadüf etməsi də bunun sübutudur: “Ermənistan rəhbərinin fikri ciddi olsaydı Xocalı aeroportunun açılması tarixini seçki öncəsinə təyin edib bundan əlavə divident də əldə edə bilərdi. Vəd olunan zamanın seçkidən dərhal sonraya təsadüf etməsi onu göstərir ki, Ermənistan rəhbərinin özü də bu açıqlamanın real olmadığını görür. Tarixin bu cür seçilməsində məqsəd yalan vədin üzə çıxacağı təqdirdə onun seçki prosesinə təsir göstərməməsini təmin etməkdir.”-deyən millət vəkilinə görə, üzərindən bir neçə gün keçməsinə baxmayaraq Ermənistanın vəd etdiyi vaxtda uçuşu reallaşdırmaması da bəyanatın seçkiqabağı şou olduğundan xəbər verir.

Rəsmi Tehran sülhməramlılardan niyə qorxur?

Millət vəkili Fərəc bəy onu da əlavə edib ki, haqqında söhbət açılan sülhməramlı qüvvələrin Dağlıq Qarabağda deyil, Azərbaycanla Ermənistan arasında yerləşdirilməsinin tərəfdarıdır: “Hazırda Dağlıq Qarabağın statusu barədə söz-söhbətlər gedir. Əgər birmənalı şəkildə Dağlıq Qarabağ Azərbaycanın tərkib hissəsi kimi Ermənistan tərəfindən qəbul olunarsa və Azərbaycanın Konstitusiyası bütün qüvvəsi ilə orda işləyərsə, onda orda erməni əsilli azərbaycanlıların yaşaması üçün sülhməramlı qüvvələrin yerləşdirilməsi nəzərdə tutularsa, bu başqa məsələ olar. Həmin qüvvələrin tərkibində Türkiyənin sülhməramlıları mütləq olmalıdır.

21 Fevral - Beynəlxalq Ana dili günü tədbirində Fərəc bəyin ÇIXIŞI / VİDEO

Milli Dirçəliş Hərəkatı Partiyası Güney Azərbaycan Departamentinin 21.02.2013-cü il tarixində Dünya Azəırbaycanlılarının İnformasiya Mərkəzində Güney Azərbaycan türklərinin öz ana dillərində təhsilə qoyulan qadağa və bu qadağaya qarşı olanların təqib və təziqlərə məruz qalmaları mövzusunda konfrans keçirib.

MDHP Güney Azərbaycan Departamentinin Sədri Əlirza Amanbəyli tədbir iştirakçılarını slamlayaraq Güney Azərbaycanda öz tarixi torpaqlarında yaşayan Azərbaycan Türklərinin milli azadlıqları uğrunda sivil mübarizəsi haqda geniş məlumat verərək son zamanlarda Güney Azəırbaycanda milli fəaliyyətlərinə görə həbsolunan soydaşlarımızın sayının daha da artığını bildirdi.
MDHP Sədri Millət vəkili Fərəc Quliyevin həmin tədbirdəki çıxışını TƏQDİM EDİRİK

Fərəc Quliyev:-Güclü dövlət - Millətin dəstəklədiyi Dövlətdir! / VİDEO

Milli Dirçəliş Hərəkatı Partiyasının sədri, Millət Vəkili Fərəc Quliyev: "Dövlət məmurları özlərini ağa kimi aparırlar... Güclü dövlət - millətin dəstəklədiyi dövlətdir. Məmurlar vətəndaşın qayğısına qalmalıdır."

Fərəc Quliyev Ehtiyat Fondunun yaradılmasını təklif etdi

Partiyalar dövlətin ayırdığı maliyyə vəsaitini hara xərcləyəcək? - ŞƏRH

Milli Dirçəliş Hərəkatı Partiyasının sədri, millət vəkili Fərəc Quliyev də deyir ki, partiyaların dövlət tərəfindən maliyyələşməsinə müəyyən qədər dəstək verilməsi islahatçı addımdır və alqışlanmalıdır:“Ancaq ona da narazılığımı bildirirəm ki, bu vəsait olduqca azdır.
“Fikirləşmişəm ki, ölkədə siyasi hakimiyyət uğrunda mübarizə aparan təşkilatlar kənar qüvvələr tərəfindən maliyyələşməməlidir. Çünki onlar öz istəklərini bu qüvvələr vasitəsilə həyata keçirməyə və ölkədə üst düzənə gətirməyə çalışa bilərlər. Əgər ölkəmiz seçim edibsə və artıq bu siyasi mühiti özü formalaşdırmaq istəyirsə vəsaitin miqdarı mütləq artırılmalıdır. Hesab edirəm ki, cənab prezident bizim bu çağırışları nəzərə alacaq”.

MDHP sədri, Millət Vəkili Fərəc Quliyev başsağlığı verib.

Milli Dirçəliş Hərəkatı Partiyasının sədri, Millət Vəkili Fərəc Quliyev Azərbaycan Milli Elmlər Akademiyasının (AMEA) prezidenti, akademik Mahmud Kərimovun vəfatı ilə bağlı Azərbaycan xalqına başsağlığı verib.

Fərəc Quliyev: - Vətənsevər yazıçımız haqqinda nə dedi. / VİDEO

Milli Dirçəliş Hərəkatı Partiyası tanınmış yazıçı, alim, publisist və ictimai-siyasi xadim İsrafil Məmmədovun 85 illik yubiley tədbirini keçirdi.Tədbir 07 fevral 2013-cü il tarixində saat saat 14 00 da Azərbaycan Yazıçılar Birliyinin Natəvan klubunda İsrafil müəllimin ailə üzvləri və ölkəmizin tanınmış ziyalılarının iştirakilə keçirilib.
Yubiley tədbirində Millət Vəkilləri,tarixçi alimlər,ictimai-siyasi xadimlər və media nümayəndələri iştirak edib.
Tədbirdə yubliyarın həyat və yaradıcılığı haqda məruzə və çıxışlar olub.
Milli Dirçəliş Hərəkatı Partiyasi İsrafil Məmmədovun Milli zəmindəki fəaliyyətini nəzərə alaraq "FƏXRİ FƏRMAN"la yazıçı, alim və İctimai-siyasi xadimi təltif edib
Milli Dirçəliş Hərəkatı Partiyasının sədri, Millət Vəkili Fərəc Quliyevin tədbirdəki çıxışını TƏQDİM EDİRİK

Deputat: “Gündəmi dəyişmək lazım deyil”

Millət vəkili Fərəc Quliyev hesab edir ki, bu gün gündəm təşkil edəcək daha ciddi mövzular var ki, belə olduğu halda İsa Qəmbərin hər hansı səfəri ətarfında ciddi müzakirələrin aparılması mənasız cəhd kimi görünür: “Bu gün Azərbaycanda, yerləşdiyimiz regionda, dünyada ciddi hadisələr baş verir ki, əsas diqqətimizi məhz bu iqtiqamətə yönəltməliyik. Bir siyasətçi kimi də məhz bu məsələrlə bağlı şərh verməyimiz daha doğru olardı. Misal üçün “Ziyalılar Forumu”nun həmtəsisçisi, yazıçı Əkrəm Əylisinin romanı daha ciddi müzakirə mövzudur, nəinki İsa Qəmbərin səfəri. İsa Qəmbərin Lənkərana səfəri ciddi hadisə deyil ki, buna münasibət bildirək. Görünür onlar özləri diqqət mərkəzinə gəlmək istədikləri üçün bu cür məsələlərlə ictimai rəyi məşğul etməyə çalışırlar. Mən isə düşünürəm ki, gündəmi dəyişmək, ictimaiyyətin diqqətini mənasız məsələrə yönəltmək lazım deyil”.

"Ermənilərlə danışmağın mənası yoxdur" - Fərəc Quliyev

-Bu arada Ermənistanda prezident seçkiləri öncəsi baş verən daxili siyasi prosesləri necə dəyərləndirərdiniz?

-Ermənistanda sui-qəsd edilmiş prezidentliyə namizəd hələ bir müddət əvvəl bəyanat vermişdi ki, biz Rusiyanın Ermənistana təsirlərini minimuma endirməli və müstəqil dövlət kimi davranmalıyıq. Bu fiqur, persona daha çox Rusiyadan asılı olmayan siyasətin yürüdülməsi tərəfdarlarından biri idi. Ona atılan güllə də məhz prezidentliyə namizədin bu fikirlərinə görədir. Yəni Rusiyanın işğalından qurtulmaq istəyində olan bir namizədə atılan güllədir. Ermənistanda istər prezident, istərsə də digər seçkilər olsun, bu ölkədə idarəetmə sisteminin mütləq Rusiyanın əlində olmasının təmin edilməsi düşünülür. Hesab edirəm ki, bu seçkilərdə də həmin siyasət davam edəcək. Biz bu günlərdə Polşada keçirdiyimiz görüşlərdə də bildirdik ki, Ermənistan tərəfi heç vaxt demokratik bir mühitdə seçkilər keçiməyib, bu istəkdə olmayıb. Ancaq təssüflər olsun ki, Avropa təsisatları Ermənistanın bu mahiyyətin göz ardına qoyub, ona fikir vermək istəməyiblər. İndiki halda Ermənistanda prezidentliyə namizədin güllələnməsi, bir neçə il əvvəl silahlı şəxslərin parlamentə girərək spiker də daxil olmaqla bir neçə nəfəri qətlə yetirməsi Ermənistanın mahiyyətindən xəbər verən məsələlərdir. Ona görə də düşünürəm ki, irəlidə də bu cür sürprizlərin olacağı qaçılmazdır.

İki nazirin, 8 deputatın səfərinin nəticələri

Milli Dirçəliş Hərəkatı Partiyasının sədri, Milli Məclisin deputatı Fərəc Quliyev Polşa səfərinin nəticələrindən danışarkən belə deyib:

"Orada əməkdaşlıq üçün çox böyük imkanlarımızın olması da üzə çıxdı. Əslində Avropa təsisatlarında çalışa biləcək kadrların hazırlanması üçün Polşanın imkanlarından yararlanmaq potensialı məlum oldu. Görüşlərin də çox böyük əhəmiyyəti oldu: həm Seymdə, həm XİN-də olanlar. Bir sıra rəsmilərlə dialoq çox uğurlu nəticələndi. Eyni zamanda Şamaxı ilə Lodsk şəhərinin qardaşlaşması ilə bağlı müqavilə imzalandı. Bunu xüsusi olaraq qeyd etmək istəyirəm ki, "Avronest" Parlament Assambleyasında Azərbaycan nümayəndə heyətinin rəhbəri Elxan Süleymanovun müstəsna xidmətləri oldu. Çünki 4 günlük səfərin nəticələri 4 günlə əlaqəli deyil. Bu, aylarla çəkilmiş zəhmətə bağlıdır. Elxan Süleymanov dəfələrlə ora getməsi, polşalı parlamentarilərlə görüşləri, Polşanın Avropa Parlamentindəki təmsilçiləri ilə bir araya gəlməsi öz əhəmiyyətini göstərməyə başlayıb. Onun əməyini həm də ona görə yüksək qiymətləndirirəm ki, iki il əvvəl Azərbaycana qarşı çıxan deputatlar respublikamızın mövqelərini müdafiə etməyə başlayıblar".

MDHP sədri, Millət Vəkili Fərəc Quliyev:-İvanaşvilinin davranışları gürcü xalqına ziyan vurur./VİDEO

Milli Dirçəliş Hərəkatı Partiyasının sədri, Millət Vəkili, Azərbaycan və Gürcüstan parlamentlərarası dostluq qrupunun üzvü Fərəc Quliyev: "Saakaşvili və İvanaşvili nə etməklərindən asılı olmayaraq Azərbaycanla olan münasibətlərində diqqətli olmalıdırlar. Gürcüstanda son zamanlar Borçalıda yaşayan Azərbaycan Türklərinə qarşı törədilən qeyri insani davranışlara verdiyimiz reaksiya nəticəsiz qalmadı. Biz dünyanın harasında olmasından asılı olmayaraq soydaşlarımızı qorumalıyıq."

Milət vəkili Fərəc Quliyev bu gün Polşa seymində çıxış edib.

Deputat Fərəc Quliyev Avropanı “topa tutdu”

Fərəc Quliyev: “Azərbaycana qarşı hazırlanan hesabatlar “xristian klubu”nun türk dünyasına qarşı apardığı siyasətin tərkib hissəsidir” “Amnesty İnternational” və digər beynəlxalq təşkilatların Azərbaycana qarşı hazırladığı qərəzli hesabatların arxasında hegemion dövlətlərinin çirkin məqsədləri dayanır”. Bu sözləri Editor.az-a açıqlamasında Milli Məclisin deputatı, Milli Dirçəliş Partiyasının sədri Fərəc Quliyev söyləyib. Xatırladaq ki, “Amnesty İnternational” beynəlxalq təşkilatı son illər Azərbaycan [...]

Fərəc Quliyev: “Özünü qəhrəman kimi göstərməyə çalışan bəzi insanlar radikal şəkildə, ifrat dərəcədə qarşıdurma yaratmağa meyllidirlər”

- Fərəc bəy, hazırda ölkədəki ictimai-siyasi vəziyyəti necə qiymətləndirirsiniz?

- İctimai-siyasi vəziyyəti ölkənin indiki hərbi durumuna sıx bağlıdır. Bizim iradəmizdən asılı olmayaraq, müharibə ilə üz-üzə dayanmışıq. Azərbaycana qarşı bu ədalətsiz müharibə ölkədəki ictimai-siyasi vəziyyətə də xeyli təsir edir. Yəni, demokratik institutların tam oturuşmasını təmin etmək imkanı olmur. İnsanların hüquqlarını tam bərpa etmək imkanı yoxdur. 1 milyona yaxın insanın mülkiyyət hüququ pozulub. Cəmiyyətdə mövcud olan bəzi sosial məsələlər də hərbi xərclərimiz üzündən tam həll edilmir. Halbuki müharibə şəraitində olmasaydıq, maaşların bir neçə dəfə artırılmasına, insanların sosial rifahının daha da yaxşılaşdırılmasına şərait yaranardı. Lakin buna baxmayaraq, seçki keçirilməsi üçün normal şəraitin yaradılmasında hər hansı problem müşahidə etmirəm. Ölkədə normal seçkinin keçirilməsi üçün müəyyən tədbirlər görülür. Bu, davamlı olacaqdır. Sadəcə mən, mübarizənin sivil formada, namizədlərin bir-birinə hörmətlə yanaşmasının tərəfdarıyam. İndiki ictimai-siyasi durum özündə onu ehtiva edir ki, özünü qəhrəman kimi göstərməyə çalışan bəzi insanlar radikal şəkildə, ifrat dərəcədə qarşıdurma yaratmağa meyllidirlər. Sivil yolla mübarizə aparmaq iqtidarında olmadıqları üçün, bu yolla gündəmdə qalmağa çalışırlar. Bu isə normal yanaşma tərzi, mübarizə metodu deyil.

Fərəc Quliyev: “Bizneslə məşğul olmaq imkanı yaransa belə, bundan imtina edərəm”

Fərəc Quliyev: “Bizneslə məşğul olmaq imkanı yaransa belə, bundan imtina edərəm”

“Nə indi, nə də bundan öncə ticarətlə məşğul olmamışam. Əvvəla buna imkanım yoxdur, imkanım olsa da bizneslə məşğul olmaram”. Bu sözləri Editor.az-a açıqlama verən Milli Məclisin deputatı, Azərbaycan Milli Dirçəliş Partiyasının sədri Fərəc Quliyev söyləyib.

Fərəc Quliyev:-İranda çoxluq olan 42 milyon Azərbaycan Türkü əzilir./VİDEO

Milli Dirçəliş Hərəkatı Partiyasının sədri, Millət Vəkili, milli davanın tək lideri Fərəc Quliyev 18 yanvar 2013-cü ildə ANS televiziyası vasitəsi ilə "İran 42 milyon Azərbaycan Türklərini əzdiyindən və avtoritar rejim olduğundan dağılmağa məhkumdur." dedi

Fərəc Quliyev: - Ya Rusiya mövqeyində dəyişiklik etməli, ya da ATƏT-in Minsk Qrupunun tərkibində dəyişiklik edilməlidir.

Məsələyə münasibət bildirən Milli Məclisin Təhlükəsizlik və müdafiə komitəsinin üzvü Fərəc Quliyev “Gündəlik Teleqraf”a açıqlamasında deyib ki, əslinə burada təəccüblü bir şey yoxdur. Onun sözlərinə görə, Rusiyanın indiyədək də davranışı məhz bu cür olub: “Rusiya münaqişə başlanan gündən mütəmadi olaraq Ermənistanın tərəfindən çıxış edib və ATƏT-in Minsk Qrupundakı bitərəfliyini, tərəfsizliyini çoxdan itirib. Azərbaycan haqlı olaraq öz ərazi bütövlüyünü güc yolu ilə bərpa edəcəyini bildirəndə də hər zaman Rusiyanın KTMT çərçivəsində Ermənistana kömək edəcəyi açıqlanıb. Üstəlik, Ermənistanı müasir silahlarla təmənnasız silahlandırmaqla məşğul olub. S-300, daha sonra isə S-400 tipli raketləri onlara verib. Bu, ilk növbədə Ermənistanın xarici siyasətinin olmadığını göstərir. İkinci onu göstərir ki, Qarabağ təkcə Ermənistan tərəfindən işğal olunmayıb, Ermənistan bir maşadır. Ermənistanın forpost dövlət olması həm də ona görə ortadadır ki, bu ölkənin müstəqilliyinin 20 illiyi ilə bağlı keçirilən hərbi paradda rus texnikası, rus əsgərləri Rusiya bayrağı altında keçid edirdilər. Yəni, Ermənistan birmənalı şəkildə Rusiyanın əyaləti funksiyasını yerinə yetirən bir dövlətdir. Amma Rusiya əgər gerçəkdən bir qonşuluq siyasəti yürütmək istəyirsə, doğrudan da, ATƏT-in Minsk Qrupunun üzvü olaraq bölgədə sabitlik istəyirsə, bu davranışına son qoymalıdır. Biz bu istiqamətdə dəfələrlə çağırışlar etmişik. Amma buna baxmayaraq həm Ermənistanın mövqelərini qətiyyətlə dəstəkləməsi, həm də bundan sonrakı təcavüzü üçün onun silahlandırılması göstərir ki, Rusiyanın ATƏT-in Minsk Qrupunda fəaliyyəti artıq mümkün deyil”.

Millət vəkili qeyd edib ki, Ermənistan təcavüzkarlığı əvvəlcədən planlaşdıran bir dövlətdir: “Asimus aqressimus deyilən bir termin var. Bu termin əsl Ermənistana uyğun gələn bir termindir. Bunların planında türk torpaqlarında “Böyük Ermənistan” qurmaq dayanır. Bütün bunlara baxmayaraq Rusiya Ermənistanın yanında dayanmaqda davam edir. Son vaxtlar Ermənistana yenidən silahların verilməsi, dəstəyin gücləndirilməsi göstərir ki, Rusiya ATƏT-in Minsk Qrupunda heç vaxt ədalətli mövqe tutmayacaq. Rusiya təcavüzə məruz qalanla təcavüzkar arasında nəinki bərabərlik işarəsi qoyur, həm də təcavüzkara maddi-texniki yardımlar edir, siyasi dəstək verir və bunu gizlətmir. Ona görə də biz Rusiya ilə münasibətlərimizə ya yenidən baxmalı, ya da Rusiya ilə bu məsələləri açıq şəkildə danışmalıyıq. Ya Rusiya mövqeyində dəyişiklik etməli, ya da ATƏT-in Minsk Qrupunun tərkibində dəyişiklik edilməlidir”.

Fərəc Quliyev: - 20 yanvar imperiyanın son addımı idi.../VİDEO

MDHP Lideri, istiqlalçı deputat, Millət Vəkili Fərəc Quliyev: "1990-cı ilin 20 yanvarında baş verən qırğınlar, rus imperiyasının Azərbaycanın müstəqillik qazanmasının qarşısını almaq üçün son addımı idi"

MDHP Başqanı, Millət Vəkili Fərəc Quliyev 31 Dekabr Dünya Azərbaycanlıların Həmrəylik Günü münasibətilə bütün soydaşlarımızı təbrik edir

Sabah dünyanın əksər ölkələri yeni ilin gəlişini bayram edəcəklər. Amma 31 dekabr günü Azərbaycan türkləri üçün ikiqat bayramdır. Artıq 23 ildir ki, ölkə və bütün dünyada soydaşlarımız dekabrın 31-ni həm də Dünya Azərbaycanlılarının Həmrəylik Günü kimi qutlayır. Həmin münasibətlə məhz bu tarixin seçilməsi isə qətiyyən təsadüfi deyil. Çünki 1989-cu il dekabrın 31-də çar Rusiyası və İran arasında 1828-ci ildə bağlanmış Türkmənçay müqaviləsinin şərtləri əsasında ikiyə bölünmüş Azərbaycan arasında çəkilmiş sərhədlər millətin iradəsilə dağıdıldı. Bununla da 1946-cı ildən sonra dünya yenidən Azərbaycan türklərinin "bölünmüş millət" olmaları faktıyla üz-üzə qaldı. Dünya heyrət içindəydi: Azərbaycan türkləri planetin yarısına hökm edən "şər imperiyası"nın sərhədlərini dağıtmışdı. Bir sözlə, Qərbin 70 ildə bacarmadığı bir işi Azərbaycan türkləri bir neçə saata həyata keçirdilər.
Həmin tarixdən etibarən bütün dünya azərbaycan türkləri 31 Dekbr tarixini hərəylik bayramı olaraq qəbul edir və bu müqəddəs günü böyük fərəh hissilə bayram edir.
Bu möhtəşəm bayram münasibətlə bütün soydaşalrımı öz adımdan və rəhbərlik etdiyim Milli Dirçəliş Hərəkatı Partiyası (MDHP) adından təbrik edirəm.
Sizlərə qarşıdan gələn yeni təqvim ilində uğurlar və can sğlıqı, milltimizə Bötöv Azərbaycan mücadiləsində başarılar və qələbə arzulayıram.

GÜCÜMÜZ BİRLİYİMİZDƏ VƏ HƏMRƏYLİYİMİZDƏDİR

Hörmətlə:
Milli Dirçəliş Hərkatı Partiyasının Sədri, Millət Vəkili
Fərəc Quliyev

Bakı 30.Dekabr “ 2012-ci il

MDHP QAD-ın keçirdiyi “İrəvanın işğalının 185-ci ili” tədbirində FƏRƏC bəyin çıxışı / VİDEO

29 dekabr 2012-ci ildə Milli Dirçəliş Hərəkatı Partiyası Qərbi Azərbaycan Departamentinin təşkil etdiyi "İRƏVANIN İŞĞALININ - 185-ci ili" tədbirində MDHP Lideri, Millət Vəkili Fərəc Quliyevin çıxışı:

ÖZKAYA GROUP-un rəhbəri OSMAN bəyin Fərəc bəyə göndərdiyi yubiley təbriki

Hörmətli Fərəc müəllim,

Sizi 50 illik yubileyiniz münasibətilə səmimi qəlbdən təbrik edir, fəaliyyətinizdən uğurların davamını arzulayıram. Səhətimlə bağlı yaşanan narahatçılıqlardan dolayı yubiley tədbirinizə qatıla bilmədiyim üçün təəssüf edirəm.

Türkiyə-Azərbaycan qardaşlıq körpüsündə atdığınız addımlarla, Türk dünyasının birlik və bərabərliyinin qorunmasına verdiyiniz töhfələrlə hər bir Türk övladının qəlbinə yol tapmısınız. Uca Allahdan sizi qorumağı və daha böyük uğurlara imza atmağınızı diləyirəm.

Hörmətlə,
Osman Gezeker.

OZKAYA GROUP

MDHP baş qərargahında da təbriklər davam edir.

Mİlli Məclisin sədri Fərəc Quliyevi 50 illik yubileyi münasibəti ilə TƏBRİK ETDİ

FƏRƏC QULİYEV - 50

Hörmətli Fərəc müəllim!

Sizi - Milli Məclisin deputatını, tanınmış siyasətçini anadan olmağınızın 50 illiyi münasibəti ilə səmimi qəlbdən təbrik edirəm!

Siz doğulduğunuz Ordubad rayonunun Üstüpü kənd orta məktəbini qızıl medalla bitirərək, ölkəmizin ən qocaman təhsil ocaklarından biri olan Azərbaycan Dövlət Tibb İnstitutuna daxil olmuşsunuz. Əmək fəaliyyətinə Sumqayıt Boru-Prokat Zavodunda feldşer kimi başlamışınız. Sonralar doğulub boya-başa çatdığınız Naxçıvana qayıtmış, müxtəlif vaxtlarda Ordubad rayonunun Çənnəb və Üstüpü kənd xəstəxanalarında həkim və baş həkim kimi çalışmışınız.

Siz ötən əsrin 90-cı illərinin əvvəllərində ölkədə geniş vüsət almış Xalq Cəbhəsi hərəkatının fallarından olmusunuz. Xalq Cəbhəsi Ordubad rayon şöbəsinin sədri, Xalq Cəbhəsi İcraiyyə Komitəsinin sədri və partiya sədrinin birinci müavini kimi fəaliyyət göstərmisiniz. Siz Azərbaycanın Müstəqillik aktının hazırlanmasında fəal iştirak etmişiniz. 1990-cı ildə Azərbaycanın Ali Sovetinə deputat seçilmişiniz.

Siz ölkə həyatında baş verən proseslərdən heç vaxt kənarda qalmamış, hadisələrə öz münasibətinizi bildirmişiniz. Sizin Azərbaycan diasporu ilə bağlı fəaliyyətiniz ictimaiyyətə yaxşı məlumdur.

Bu gün dördüncü çağırış Azərbaycan Respublikası Milli Məclisinin deputatı, parlamentin Təhlükəsizlik və müdafiə komitəsinin üzvü kimi qanun yaradıcılığı işində səmərəli fəaliyyət göstərirsiniz. Milli Məclisin Türkiyə, Belçika, Qazaxıstan, Litva, Moldova, Rumıniya və Gürcüstanla parlamentlərarası əlaqələr üzrə işçi qruplarının üzvü kimi parlamentin beynəlxalq əlaqələrinin inkişafında fəaliyyətiniz təqdirəlayiqdir.

Hörmətli Fərəc müəllim!

Sizi 50 illik yubileyiniz münasibəti ilə bir daha ürəkdən təbrik edir, ömrünüzün bu kamillik çağında Sizə uzun ömür, can sağlığı, ailə səadəti arzulayır, uğurlar diləyirəm!

Hörmətlə,

OQTAY ƏSƏDOV
Azərbaycan Respublikası Milli Məclisinin Sədri

Bakı şəhəri, 22 dekabr 2012-ci il
“Milli Məclis” jurnalı. Noyabr - Dekabr 2012 69