İtaliyanın Piza şəhərində keçirilən “Toscana Football Cup 2013” turnirinə yekun vurulub. Finala yüksələn Azərbaycan millisi (U-19) həlledici oyunda yerli “Udineze” klubu ilə görüşüb.

Güclü yağış üzündən bir neçə dəfə qısa müddətə dayandırılan görüş italiyalıların 2:1 hesablı qələbəsi ilə başa çatıb. Komandamızın qolunu Ruslan Nəsirli vurub.

Bununla, millimiz sayca 9-cu olan ənənəvi turniri 2-ci yerdə başa vurub. 4 qol vuran Namiq Ələsgərov isə turnirin ən yaxşı bombardiri adını qazanıb.