Şrift:
Aleksandr Vuçiç Serbiyada prezident seçkilərində irəlidədir
04.04.2022 [09:12] - Xəbərlər, Siyasət
Serbiya Respublikası Seçki Komissiyasının açıqladığı məlumatlara görə, prezident seçkilərində Serbiya Tərəqqi Partiyasının (SNS) namizədi Aleksandr Vuçiç liderlik edir.

İlkin məlumatlara əsasən, hazırkı Prezident A.Vuçiç səslərin 59,8 faizini toplayıb. “Vahid Serbiya” partiyasının namizədi, Serbiyanın keçmiş baş qərargah rəisi Zdravko Ponos isə səslərin 17,1 faizini toplayaraq ikinci yerdə qərarlaşıb.

A.Vuçiç birinci turda 50 faizdən çox səs toplasa, prezident seçkilərinin ikinci turu keçirilməyəcək.

Prezident seçkilərində ümumilikdə 8 namizəd mübarizə aparıb.

Parlament seçkilərində isə Serbiya Tərəqqi Partiyası səslərin 43,1 faizini toplayıb.

Serbiyada 12 bələdiyyə və Belqrad da daxil olmaqla iki şəhərdə yerli özünüidarəetmə orqanlarına seçkilər keçirilib.
Bu xəbər oxucular tərəfindən 324 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed