Şrift:
Azərbaycanın üç güləşçisi dünya çempionatının finalına yüksəlib
22.09.2023 [10:57] - Gündəm, İdman
Yunan-Roma güləş üzrə yığmamızın 3 üzvü dünya çempionatının finalına yüksəlib.

Sənan Süleymanov (77 kq) erməni rəqibi Malxaz Amoyanı məğlub edərək bu hüququ əldə edib.

Süleymanov görüşü 5:0 hesablı üstünlüklə bitirib. Bu qələbə həm də idmançımıza Paris-2024 Yay Olimpiya Oyunlarına lisenziya qazandırıb.

Qeyri-Olimpiya kateqoriyalarında Eldəniz Əzizli (55 kq) və Rafiq Hüseynov (82 kq) yarımfinal görüşlərini uğurla başa vurublar. Eldəniz iranlı Pouya Marzdandan, Rafiq isə türkiyəli Burhan Akbudakdan güclü olub.

Qeyd edək ki, final görüşləri sabah keçiriləcək.
Bu xəbər oxucular tərəfindən 796 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed