Qəzza zolağında əməliyyat başlayandan bəri İsrail hərbçiləri Fələstinin HƏMAS radikal təşkilatının silahlı qüvvələrinin 10 yüksək rütbəli komandirini öldürüb.

Bu barədə İsrail Müdafiə Qüvvələrinin sözçüsü Daniel Xaqari məlumat verib.

“Biz HƏMAS-ın səhra komandirlərini yerin üstündə və altında təqib edir, məhv edirik. Döyüş əməliyyatları başlayandan biz Baş Təhlükəsizlik Xidməti ilə birlikdə rütbəsi briqada komandirinə uyğun olan HƏMAS-ın 10 terrorçusunu məhv etmişik. Bunlar qüvvələrimizə qarşı komandanlıq edən döyüş liderləridir”, - deyə o, brifinqində deyib.

Xaqarinin sözlərinə görə, öldürülmüş komandirlər oktyabrın 7-də İsrail ərazisinə hücumun planlaşdırılmasında iştirak ediblər və bu planları öz bölmələri ilə birlikdə həyata keçiriblər.