Ukrayna Nazirlər Kabineti pilotsuz uçuş aparatlarının (PUA) alınması üçün 5 milyard qrivna (təxminən 130 milyon dollar) ayırıb.

Ukraynanın Baş naziri Denis Şmıqal bu barədə özünün media hesabında yazıb.

“Təhlükəsizlik və müdafiə qüvvələrinə əlavə olaraq 5 milyard qrivna vəsait ayrılıb. Bu vəsait hərbçilərə lazım olan pilotsuz aparatların alınmasına sərf olunacaq”, - deyə Denis Şmıqal bildirib.

Baş nazirin sözlərinə görə, bu il hakimiyyət orqanları hərbi sənaye kompleksinin inkişafı üçün əlavə olaraq 1,36 milyard dollar, dron istehsalı üçün isə ümumilikdə 1 milyard dollardan çox vəsait ayırıb.