Türkiyədən türk dövlətlərinə bu ilin ilk 5 ayında həyata keçirilən ixracat 4% artıb.

“APA-Economics”in Cənub-Şərq Anadolu İxracat Birliyinin məlumatlarına istindən verdiyi xəbərə görə, bu dövrdə 118 mln. 21 min dollar həcmində türk dövlətlərinə mal ixrac edilib.

Məlumata görə, ən çox idxal Azərbaycana olub. Belə ki, qeyd edilən dövrdə Türkiyədən Azərbaycana 30 mln. 444 min dollarlıq ixracat həyata keçirilib. İkinci yerdə Özbəkistan gəlir. Bu ölkəyə 23 mln. 907 min dollar həcmində mal göndərilib.

Qeyd edək ki, türk ölkələrinə ən çox xalça və toxuculuq malları satılıb.