Şrift:
Azərbaycan Tibb Universitetinin tələbələri üçün yenilik olacaq
10.09.2014 [15:56] - Gündəm, Gənclik, Sağlıq
Bu tədris ilindən başlayaraq Azərbaycan Tibb Universitetinin tələbələrinin dərsləri əsasən universitetin "Tibb şəhərciyi"ndə yerləşən klinikalarda və tədris binalarında keçiriləcək.
Universitetdən verilən məlumata görə, əvvəlki illərdə ATU tələbələri tədris proqramı ilə əlaqədar şəhərin müxtəlif istiqamətlərindəki xəstəxanalarda yerləşən kafedralara getməli olurdular. Bu isə tələbələr üçün narahatlıq yaradır, bəzən onların dərslərə gecikməsinə səbəb olurdu.
Artıq tələbələrin yüksək səviyyəli təhsil alması üçün zəruri olan tədris kafedraları ATU-nun "Tibb şəhərciyi"ndə yerləşən, ən müasir tibbi avadanlıqlarla təchiz olunmuş və yüksək tibbi xidmətin göstərildiyi klinikaların nəzdində fəaliyyət göstərməyə başlayıb.
Hazırda "Tibb şəhərciyi"ndə Tədris Terapevtik Klinika, Tədris Cərrahiyyə Klinikası, Onkoloji və Stomatoloji klinikalarla yanaşı, 5 əlavə tədris binası da fəaliyyət göstərir.
Bu xəbər oxucular tərəfindən 832 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed