Azərbaycanın Kürdəmir rayonunun Şilyan kəndində orta məktəb şagirdini qaçıran şəxs tutulub.

Rayon Polis Şöbəsindən verilən məlumata görə, dünən axşam saatlarında Şilyan kənd sakini, 1990-cı il təvəllüdlü Əhmədov Nizami Nəsib oğlu özündən 6 yaş kiçik olan azyaşlı qızı, Şilyan kənd orta məktəbinin 9-cu sinif şagirdi Rəhimova Vüsalə Oqtay qızını küçədən məcburi şəkildə özünə məxsus minik avtomobili ilə qaçırıb. V. Rəhimovanın valideynlərinin rayon Polis Şöbəsinə müraciəti əsasında keçirilən əməliyyat-axtarış tədbirləri zamanı onların yeri müəyyən edilib. Qız valideynlərinə təhvil verilib, N. Əhmədov həbs edilərək barəsində cinayət işi açılıb, araşdırma aparılır.