"Türk axını" qaz kəməri layihəsinə Avropa Komissiyası tərəfindən baxılacaq. Bunu jurnalistlərə Avropa Komissiyasının enerji birliyi üzrə sədr müavini Maroş Şevçoviç deyib.

Onun sözlərinə görə, "Türk axını" bu yaxınlarda elan edilib: "Biz onların Avropaya hansı həcmdə qaz nəql etmək istəklərini nəzərdən keçirəcəyik. "Cənub Qaz Dəhlizi" daha da inkişaf edib və Avropaya qazın şaxələndirilməsi üzrə əsas mənbədir".

M.Şevçoviç qeyd edib ki, Avropa İttifaqı "Qazprom" və dəyişə biləcək digər şirkətlərlə bütün uzunmüddətli müqavilələri öyrənməlidir: "Buna görə də bütün təfərrüatlar müzakirə olunmalıdır".