“Rusiya Kanadanın mövqeyinə baxmayaraq, gələcəkdə G8 birliyinə yenidən qoşula bilər”.

“gazeta.ru” saytının verdiyi xəbərə görə, bunu Rusiya prezidenti Vladimir Putin deyib.

“Mən heç kəsin xətrinə dəymək istəmirəm. Lakin ABŞ desə ki, Rusiya G8-ə qayıtmalıdır, o zaman baş nazir fikrini dəyişə bilər”, - deyə Putin bildirib.

Qeyd edək ki, bir müddət öncə Kanadanın baş naziri Stiven Harper Rusiyaya qarşı yeni sanksiyalar tətbiq etməyə hazır olduğunu bəyan edib.