Hakim Ədalət və İnkişaf Partiyası (AKP) ilə müxalif Milliyyətçi Hərəkat Partiyası (MHP) Türkiyə Konstitusiyasına əlavə və dəyişikliklər edilməsi ilə bağlı təkliflər paketinin mətnində razılığa gəlib.
Sənəd dekabrın 9-da və ya dekabrın 10-da Türkiyə Böyük Millət Məclisinə (TBMM) təqdim ediləcək.
Qeyd edək ki, Türkiyədə Türkiyə Konstitusiyasına əlavə və dəyişikliklər edilməsi ilə bağlı referendumun 2017-ci il aprelin 23-də keçiriləcəyi gözlənilir. AKP və MHP-dən olan 351 millət vəkilinin səs verməsi nəticəsində konstitusiyaya əlavə və dəyişikliklər parlamentdə qəbul ediləcək, daha sonra sənəd referendumda xalqın səsverməsinə çıxarılacaq.