Türkiyə Hərbi Hava Qüvvələrinin təyyarələri NATO-nun Vilnüsdə keçirilən sammitinin təhlükəsizliyinin təmin edilməsində iştirak edir.

Bu barədə Türkiyənin Milli Müdafiə Nazirliyindən məlumat verilib.

Məlumata əsasən, Litvada keçirilən tədbirin təhlükəsizliyini təmin etmək üçün Türkiyə Hərbi Hava Qüvvələrinə məxsus iki təyyarə - erkən xəbərdarlıq təyyarəsi (HİK) və bir KC-135R yanacaqdoldurma təyyarəsi cəlb olunub.

Almaniyanın Gelzenkirxen bazasına göndərilən təyyarələr tədbirlər başa çatana qədər NATO komandanlığının göstərişlərinə uyğun olaraq müşahidə uçuşları və yanacaq doldurma tapşırıqlarını yerinə yetirəcək.